DAVAO CITY – Gikanayon ni Neil M Canedo, LTO XI assistant regional director nga anaa sa 70 ngadto na sa 80% ang mga rehistrado nga motorista dinhi sa Davao Region nga nagmaneho ug motorsiklo.
Sumala kang Canedo nga sagad sa mga violators nga ilang masikop ang maggikan sa District 3 diin sagad sa mga drivers wala nakasuot ug prescribed helmets samtang ang uban walay mga protective gear.
Sa tuig 2016, nakatala matud pa ang LTO ug 65,204 violations diin kadaghanan niini mao kadtong migamit ug mga non-prescribed helmets, walay helmets, wala migamit ug seatbelts, smoke belching, paggamit ug bora-bora , kakulangon ug mga accessories sama sa side mirrors, suga ug daghanan pa.
Mikabat sab sa 462 units ang na-impound sa LTO sa rehiyon humikan sumala pa sa nagkadaiyang kalapasan nga nahimo. Gikanayong matag usa ka LTO enforcer makatala ug 10 ka mga violations matag adlaw.
Nakatala sab ang ahensiya sa milabay nga tuig ug colorum apprehensions nga anaa sa 77 samtang mikabat sa 2,380 ang helmet violations, ug 4,290 ang seatbelt violations.
