Gipalig-on sa Project LAWA at BINHI ang coffee farming sa Guisoc, Brgy. Demoloc, Malita, Davao Occidental pinaagi sa convergence activity ug ceremonial planting sa coffee seedlings niadtong Agosto 19, 2026.
Gipundok sa maong kalihukan ang nagkalain-laing government agencies ug community stakeholders aron suportahan ang food security, water sufficiency, environmental protection ug sustainable livelihoods.
Dugang pa, gipasiugda ang coffee farming isip posibleng dugang panginabuhian sa mga residente samtang ginadasig ang paggamit sa agricultural practices nga makasugakod sa epekto sa climate change.
Lakip sa mitambong si Davao Occidental Lone District Rep. Claude P. Bautista, SWADO Arris Medrano, RRP-CCAM Implementer Luigi Garzon, ug mga representante gikan sa DOLE, BFAR ug lokal nga panggamhanan.
Matud pa sa mga organizers, tumong sa convergence nga mahiusa ang resources, expertise ug partisipasyon sa komunidad.
Sa pagkakaron, gilauman nga makatabang ang mga gitanom nga coffee seedlings sa pagpalig-on sa produksyon, panginabuhian ug climate resilience sa mga komunidad sa Malita. | VIA BOMBO EROS PAJOTA
