DAVAO CITY – Balik operasyon na ang planta sa usa ka dakung softdrink company sa Ulas, Davao City human sa temporaryong pagpahunong sa operasyon niini kagahapon.
Taliwala kini sa unang gikbutyag sa kumpanya nga pagkunsad sa supply sa softdrinks ug uban pang sweetened beverages gumikan sa gamayng suplay sa asukal sa nasud.
Gipaningkamutan sa mga tigdumala sa maong planta nga dili sila magtanggal ug mga trabahante.
Gibaklas sab ang tarpaulin nga nag-anunsyo sa temporaryong pagpasirado.
Sumala pa sa iladong beverage company, nahimong apektado ang operasyon sa planta ug matang sa panginabuhian sa mga trabahante tungod sa nihit nga suplay sa asukal.
Gikabutyag sab sa kumpanya nga gipamubo nila ang produksyon sa softdrinks nga nakaapekto sab sa ubos nga sales ug distribution numbers niini.
Kahinumdumang gikumpirma kaniadto sa Department of Agriculture ang nagpahinabong kakuwangon sa supply sa asukal nga muubos sa tres syentos libo metriko tonelada human giigo sa Bagyong Odette ang mga tubuhan ug plantasyon sa miaging tuig.
via || Bombo LJ Florendo
