DAVAO CITY – Tumang kagutom, gi-abandona ug social pressure gikan sa kumonidad ang nagtukmod sa pito ka mga sakop sa Communist NPA Terrorists (CNTs) nga mutahan sa tropa sa kagamhanan sa managlahi nga lugar sa Davao de Oro ug Del Norte.
Gipangunahan sa mga tropa sa 60th Infantry “Mediator” Battalion ang pag-facilitate sa pagtahan sa tulo ka mga rebelde ilalom sa Guerilla Front 3, diin dala sa mga nahisgutan ang ilang duruha ka M16 rifles, nagkadaiyang medical paraphernalia, ug war material sa Sitio Bagtok, Brgy. Gupitan, Kapalong, Davao del Norte.
Samtang upat ka mga rebelde nga gikan sa Guerilla Front 2 ang mitahan sa 66th Infantry “Kabalikat” Battalion sa Purok Kalantas, Barangay Macagong, Maragusan, Davao de Oro.
Gikatakda na sab nga ipailalom ang mga nahisgutan sa mga programa sa gobyerno arun nga makasugod sa ilang bag-ong kinabuhi kauban ang tagsa-tagsa nila ka mga pamilya.
Una ng gidayeg ni MGen Nolasco A Mempin, 10ID commander ang kasundalohan sa mga nahimo niining lakang arun hingpit nga mabungkag ang insurhensiya nga hinimuan sa mga rebelde dinhi sa Southern Mindanao.
Gipasalig niini nga dili mabutang sa delikado ang sitwasyon sa mga misurender nga mga rebelde.
