DAVAO CITY – Gisaysay sa atong Bombo International Correspondent nga si Mercy Polancos ang ilang nasinatian sa nahitabong pag-tay og sa 6.8 magnitude nga linog sa nasud Taiwan niadtong Dominggo.
Nasinatian sa atong kababayan ang pag-ugauga sa yuta sa iyang gihahimutangan layo sa Taitung county nga episentro sa nahitabong linog.
Wala man hinuon natalang nangaangol ug nangasamdan sa ilahang lugar ug anaa gihapon sa luwas nga kahimtang si Mercy ug ang pamilyang iyang gialagaran.
Nagpadangat na ug hinabang ang embahada sa Pilipinas alang sa mga Pilipinong nagpuyo ug nagtrabaho sa nahisgutang nasud.
Samtang walay Pilipino sab ang nangaangol sa maong linog.
Sumala sa Taiwan Emergency Operations Center, usa ang gikatalang
patay sa usa ka pabrika sa Hualien human nahulugan kini ug usa ka parte sa ekipo atol sa linog.
Samtang siyam ka tawo ang nakahiagum ug injury ug kasamtangang ginatambalan.
Nangaguba sab ang pipila ka mga gambalay, ug nadiskaril sab ang mga tren sa lugar atol sa nahitabong linog sa nasud.
via || Bombo LJ Florendo
