DAVAO CITY- Nagtago matud pa sa Barangay Tamayong sa Calinan District ning syudad si Pastor Apollo Quiboloy sumala pa ni PBGen. Nicolas Torre III, ang regional director sa Police Regional Office XI.
Subay sa post niini sa iyang social media account, posibleng anaa karon sa Tamayong o “elsewhere” kon bisan asa si Quiboloy.
Gani, dako sab ang gikakurat ni Torre gumikan matud pa sa padayong pagsuporta ngadto kang Quiboloy nunot pa man sa mga kasong ginaatubang niini.
Gihatagan sab niini og gibug-aton ang mga kasong ginaatubang ni Quiboloy sama sa kalapasan sa Section 5 (b) sa RA 7610 nga nagkanayong, “Those who commit the act of sexual intercourse or lascivious conduct with a child exploited in prostitution or subject to other sexual abuse”.
Subli sab kini nanawagan nga og wa matud pay gibuhat si Quiboloy nga kalapasan, magpakita na matud pa kini ngadto sa korte pinaagi sa pagtahan.
