Nanawagan si Pang.Ferdinand Marcos Jr. sa mga Pilipino nga ipakita ang kaisog, panaghiusa, ug gugma sa nasud taliwala sa padayon nga nagbag-o nga mga hagit.
Sa iyang mensahe alang sa Araw ng Kagitingan, gibutyag sa Pangulo nga ang kusog sa nasud dili lamang masukod sa kadaugan kundili sa abilidad sa katawhan nga maghiusa ug mobarog.
Gihatagan og gibug-aton sa Pangulo ang kamahinungdanon sa malasakit, panagtinabangay, ug pagbarug sa hustong binuhatan isip yawe sa kalampusan sa nasud.
Gipahinumduman usab sa Pangulo ang bayaninhong buhat sa mga sundalong Pilipino nga nakig-away alang sa kagawasan sa Battle of Bataan ug Battle of Corregidor, nga matod pa niya padayon nga naghatag og inspirasyon sa kasamtangang henerasyon.
Gihagit ni Pang. Marcos ang publiko nga puy-an ang diwa sa kagitingan aron makab-ot ang tumong sa mas mauswagon nga “Bagong Pilipinas.”
