DAVAO CITY – Gipangandaman karon sa mga otoridad sa island garden city of samal (IGACOS) ang gilauman nga pagdagsa sa daghang mga torista sa isla sa mosunod nga semana alayon sa paghinumdom sa semana santa.
Gikanayon ni Col. Hilarion Palma, deputy commander sa Joint Task force Haribon, karon pa lamang daan giplastar na nila ang ilang mga ginsakupan sa pakig-alayon na usab sa kapulisan sa Samal Island aron masiguro ang kaluwasan sa mga lokal ug langyaw nga mga torista nga mobista sa isla.
Gani karon pa lamang daan fully booked na ang pipila ka mga inland ug beach resort sa isla.
Halos duha ka tuig usab nga nahimong mingaw ang isla atol sa summer vacation human temporaryong gi-dili ang pagsulod sa mga torista gumikan sa covid 19 pandemic.
Apan karon nga naa na sa alert level 1 ug gitugutan na ang tanan nga mga naandang aktibidad sa isla lauman nga doble o triple pa ang ihap sa mga bisita nga moabot ilabi na panahon sa semana santa.
Samtang, gikompirma usab ni Col. Palma nga walay bisan unsa nga terror threat nga nadawat ang IGACOS, apan bisan pa man niini, ilang gipasalig ang pagpahamtang ug hugot nga seguridad latas sa tribuok isla sa Samal.
Dili na usba sumala pa sa lokal nga kagamhanan sa IGACOS Nga masubli ang nahitabong kidnapping niadtong 2015 diiin 3 ka mga langyaw ug usaka Pinay ang gidagit sa mga bandidong abu Sayyaf gikan sa samal island.
