Gihatagan og P31 milyon nga ayuda ang mga pamilyang naapektuhan sa sunod-sunod nga dili maayong panahon ug kusog nga pag-ulan sa First District sa La Union. Sumala pa ni Deputy Speaker Paolo Ortega V, mokabat sa P3 milyon hangtod P5 milyon ang madawat sa matag lokal nga panggamhanan, depende sa gidaghanon sa mga apektadong pamilya ug gilapdon sa kadaot.
Lakip sa gipanghatag nga ayuda ang food packs ug uban pang nag unang panginahanglan sa mga residente. Dugang pa, nangayo usab ang opisina ni Ortega og financial assistance gikan sa Department of Social Welfare and Development o DSWD alang sa mga naapektuhan. Nakasinati og kadaot ang sektor sa agrikultura, mga kahayopan ug imprastraktura human miapaw ang pipila ka mga suba tungod sa kusog nga pag-ulan.
Sa kasamtangan, padayon nga gibantayan sa mga otoridad ang kahimtang sa panahon, ilabina ang pag-ulan ug pagsaka sa lebel sa tubig sa mga lugar nga dali mabahaan.
