DAVAO CITY – Makatabang sa gipahigayon karon nga imbestigasyon sa kapulisan ang mga narekober nga dokumento nga kauban sa mga illegal nga druga nga sulod sa narekober nga bag.
Kahinumduman nga gibilin sumala pa ang nahisgutan nga bag sa usa ka bus nga gikan sa Davao del Norte ug namatikdan kini dihang milatas sa checkpoint sa Task Force Davao (TFD) sa Lasang ning siyudad.
Gikanayong wala nay mi-angkon sa maong bag apan dihang gihiling kini sa otoridad, narekober ang mga dagkong pakete sa ginadili nga druga nga nagkantidad sumala pa ug P10 milyones ka pesos.
Sumala sa otoridad nga dihang gipahigayon ang inspeksiyon sa checkpoint wala sumala pay mikuha sa nahisgutan nga bag.
Gawas sa mga pakete sa illegal nga druga kalakip sab sa narekober ang mga gagmay nga cellophane nga posibleng gamito sa pag-repack niini.
Anaa karon sa kustodiya sa kapulisan ang mga illegal druga aron nga ipailalom sa eksaminasyon damtang gipanubayan na sab sa otoridad kung si kinsa ang nanag-iya niini.
