DAVAO CITY – Giaprubahan sa Sangguniang Panlungsod atol sa ika-tulo ug katapusan nga pagbasa ang ordinansa nga nag-establisar ug usaka community-based program alang sa maayong panglawas sa mga katigulangan partikular na ang paghatag ug free essential health, wellness, ug uban pang tukmang mga serbisyo aron mapromotar ang de kalidad nga kinabuhi sa mga senior citizens.
Gipangunahan sa City Health Office ang maong sugyot nga giduso usab ni Councilor Richlyn Justol-Baguilod, kinsa maoy chairperson sa Committee on Health, isip pamaagi sa pag-ila sa mga natampo sa mga senior citizens alang sa mas maayong pamuyo sa dakbayan sa dabaw.
Ilalom sa balaud, hatagan ug libre nga basic health services ngadto sa mga senior citizens, ug himuong luag na ang mga Barangay Health Centers.
Ang mga BHC ang kasagaran nagadawat ug medical consultation ug uban pang susamang panginahanglanon sa mga Dabawenyo nga senior citizens.
Dugang pa sa konsehal nga kinahanglan na karong panahona nga kunhuran ang ihap sa mga pasyente nga atimanon sa mga BHC matag adlaw.
