Padayon nga giberipika sa National Task Force for the West Philippine Sea ang mga taho kabahin sa giingong bag-ong estruktura nga namatikdan sa Bajo de Masinloc.
Matod sa NTF-WPS, nagpadayon na ang validation ug assessment sa mga may kalabutang ahensya sa gobyerno pinaagi sa monitoring, surveillance ug uban pang operational mechanisms aron masuta ang kamatuoran sa maong report.
Gipasalig sa Task Force nga hugot ang koordinasyon sa mga ahensya sa gobyerno aron masiguro ang komprehensibo ug nakabase sa tinuod nga kahimtang nga pagsusi sa sitwasyon.
Gibarugan usab sa gobyerno nga magpadayon kini sa pagpanalipod sa soberanya, sovereign rights ug hurisdiksyon sa nasud sa West Philippine Sea subay sa United Nations Convention on the Law of the Sea ug sa 2016 Arbitral Award.
