DAVAO CITY – Mipasidaan karon ang National Telecommunications Commission XI sa publiko batok scammers nga nagpakaaron ingnon nga mga nabiktima sa sunog ug nangayo og kwarta gumikan biktima sila sa sunog nga natigayon sa Piapi Boulevard Davao city kaniadtong Saturday.
Sumala ni Regional director sa buhatan nga si Nelson Canete nga sagad kini modus online nga pahimuslan ang nahimong kalisdanan sa uban.
Nunot kini sa usa ka post sa social media nga nagpakaaron ingnon biktima sa nahisgutang sunog apan naberipika nga scam lamang kini.
Busa nagpahimangno ang opisyal sa publiko nga dili basta madani sa mga post sa social media nga ipadala sa ilang e-wallet account ang tabang, ilabi na kon dili kaila.
Sumala sa opisyal , samtang ginatabangan ang uban sa maayung pamaagi dili kalimtan nga kinahanglan usab beripikahon ug ilhon ang tawo nga nangayo og monetary assistance.
Alang kang Canete ang labing-luwas nga pamaagi aron makatabang sa nabiktima sa sunog, mas maayu kon makigkoordinar na lamang sa lokal nga awtoridad ug mga verified organization sama sa pag-adto sa evacuation centers hain gihikling ang mga biktima.
Subay sa unang taho sa Bureau of Fire Protection (BFP)-Davao walay natala nga mga nangaangol sa Piapi Fire incident gawas lamang sa personahe sa fire truck human naaksidente kini duol sa Davao coastal road samtang miresponde kini sa sunog.
