Nagpasidaan ang National Bureau of Investigation (NBI) sa publiko sa mga madawat nga text messages nga adunay nahilakip nga malisyosong link.
Kini kuno ang usa ka matang sa ginatawag nga Phishing messages nga nagtumong makahatag ug kahadlok ug pagpangita sa mabiktima.
Sa higayong madala ang biktima sa maong matang sa scam ug pinduton ang nadawat nga malisyosong link, mamahimo niining makompromiso ang sensitibong inpormasyon sa nanag-iya.
Dalahon kuno ang biktima pagkatapos mag-click sa link sa mga pekeng websites nga gihimo aron makapangawat ug ‘online banking credentials, one-time passwords’ ug uban pa.
Hinungdan nga tambag sa ahensya sa publiko, dili na lamang kini i-click ug ilabi na nga dili ihatag ang bisan unsang inpormasyon, OTP, PIN number ug log-in details.
Gipahinumdum pa niini, ang mga bangko ang dili na magpadala ug mga SMS links aron mando-an ang kustomer nga ikanselar ang transaksyon kuno.
