Mi-abot na sa kinatibuk-ang 429 ka mga pasahero ang gikatala sa Philippine Coast Guard (PCG) nga na-stranded sa nagdaiyang bahin sa pantalan sa Central Visayas gikan sa alas-4 sa sayong kabuntagon hangtod sa alas-ocho sa buntag gumikan sa bagyong Basyang.
Gipahayag sa PCG, kasamtangang gisuspende sng mgs byahe sa mga sakyanang pangdagat isip pag-amping alang sa kaluwasan sa mga pasahero ug tripulante.
Gawas sa mga pasahero, naapektuhan usab ang kanselasyon sa byahe sa 292 ka rolling cargoes, 46 ka mga sakyanang pangdagat ug usa ka motorbanca.
Nahilakip sa mga pantalan ug anchorage areas nga apektado sa rehiyon ang Polambato Pier, Carmen Port, Daanbantayan Pier, Hagnaya Port, Sitio Quasi, Samboan Port/Liloan Port, Tangil Wharf, Toledo City Port, Talisay City Anchorage, Pier 1, Pier 3, Naga Anchorage Area, ug Labogon sa Mandaue.
Samtang gipahinumduman usab ang publiko nga mas mag-inamping ilabi na ang mga lugar nga anaa sa dali nga bahaon ug landslide prone areas ug mubiya kung gikinahanglan.
