DAVAO CITY – Nangandam na karon ang mga tropa sa 10th infantry Division (ID) Philippine Army alang sa nagsingabot nga May 2022 National and Local elections partikular na ang pagtutok sa lugar nga sagad adunay matalang kagubot ilabi na kung init ang panag-atbang sa mga pulitiko.
Sumala pa kang Capt. Mark Anthony Tito, tigpamaba sa 10th ID Philippine army gihan-ay na nila karon ang mamahimong deployment sa ilang mga tropa sa pipila ka mga lugar sa Davao region.
Gibutyag sab sa opisyal nga sa kasamtangan wala pa silay namonitor nga mga lugar sa rehiyon nga ilalom sa EWAs kun Election Watchlist Areas (EWAs) apan mag-agad lamang sila sa ihatag nga listahan kanila sa Commission on Elections (COMELEC) sa mga dapit nga kinahanglan bantayan.
Sa kasamtangan okupado ang mga tropa sa kasundalohan sa pagbantag sa nagpadayon nga pagduso ug certificate of candidacy sa mga mokandidato sa eleksiyon diin gikatakda na sab kini nga matapos karung adlawa.
