-- ADVERTISEMENT --
Gipahibalo ni U.S. President Donald Trump niadtong Miyerkules (adlaw sa Amerika) nga ang mga import gikan sa mga nasud nga naghatag og military weapons sa Iran pahamtangan nila og 50% nga taripa, nga walay bisan unsang exemption.
Gihimo ni Trump ang maong anunsyo sa iyang Truth Social pila ka oras human sa kasabutan sa duha ka semana nga ceasefire sa Tehran.
Wala na niini gibutyag kung unsang legal authority ang iyang gamiton sa pagpatuman sa taripa, human gikuha sa Supreme Court of the United States niadtong Pebrero ang iyang paggamit sa International Emergency Economic Powers Act (IEEPA) sa pagpatuman og lapad nga global tariffs.
