DAVAO CITY – Gipasabot ni Davao City Mayor Inday Sara Duterte-Carpio nga dili una mamahimong makabalik sa dakbayan sa davao kadtong mga migawas ug gikan nagbakasyon sa kasikbit nga rehiyon sa Mindanao.
Sumala pa sa Mayor dili kini mamahimong himuon sanglit dili sumala pa mosugot ang mga doktor.
Kahinumduman nga daghanan ang nangayo ug pakitabang sa Mayor human nga buot na nila nga mopapauli dinhi sa siyudad.
Gitino ni Mayor Inday nga wala sila nagpakabuta-bungol sa mga hangyo sa pipila ka mga indibidwal apan kinahanglan nga pahugtan ang mga sumbanan gumikan kay dako ang posibilidad nga mamahimong carrier kini sa virus ug magdugang lamang sa kaso sa mga nagpositibo dinhi sa dakbayan ug sa Davao region.
Apan bugtong mahimo lamang sumala pa sa dakbayan nga sama sa gihimo kadtong mga natanggong sa Clark Pampanga mao ang paghatag ug assistance.
Nasayran sa Mayor nga na-stranded ang pipila ka mga taga Davao City, Davao Region, apan nauli pa gihapon ang mga nahisgutan human nga gipangayoan kini ug contact details ug kung mapamatud-an nga Davao City or Davao Region, mohatag gilayon ug assistance niini ang lokal nga panggamhanan.
