DAVAO CITY – Gikanayong ang kanselado nga mga flights nga mo-deliver sa coronavirus disease (Covid-19) test kits sa Southern Philippines Medical Center (SPMC) ang hinungdan nga nalangay kini.
Sumala pa kang Ricardo Audan, SPMC Chief of Clinics and Health Emergency Management Bureau (HEMB) coordinator, nga ang operation center sa Health Emergency Management Bureau (HEMB) sa Department of Health (DOH) ang nagbutyag nga anaa ang testing kits apan walay available nga flight.
Una ng gibutyag ni Audan nga mihangyo sila ug inisyal nga 500 Covid-19 test kits sa ilang hospital facility.
Hinuon gi-asikado na matud pa karon sa City Government of Davao ang special flight alang sa nahisgutan nga testing kits nga gikan sa Manila.
Gumikan sumala pa sa kawad-on ug diagnostic kits nga dali naka-detect sa Covid-19 infection, dugay sab sumala pa nga makapagula ug laboratory results niini.
Sa kasamtangan ang SPMC nagpadala na ug swabs gikan sa mga pasyente nga patient under investigation (PUI) ngadto sa Research Institute for Tropical Medicine (RITM) sa kaulohan.
Apan maghulat pa ang mga nahisgutan ug duruha ngadto na sa tulo ka adlaw ayha mapagula ang resulta gumikan sa daghanang samples nga gipadala sab sa RITM.
Hangtud nga dili mogula ang resulta, dili ma-discharge ang PUIs bisan nga maayo na ang kondisyon niini. Sa kasamtangan, ang SPMC adunay siyam ka mga PUIs nga gi-atiman.
Gumikan kay naka-ong-ong pa ang resulta, misobra na sab karon ang kapasidad sa mga PUIs nga anaa sa ilang isolation facility.
