DAVAO CITY – Nadawat sa lokal nga kagamhanan sa dakbayan sa dabaw pinaagi sa Sports Development Division sa City Mayor’s Office (SDD-CMO), gikan sa Philippine Sports Commission (PSC) ang kapin 400 sets sa mga school supplies ug uban pang mga butang alang sa mga indigenous people (IP) community dinhi sa syudad.
Gipangunahan ni PSC Commissioner Charles Raymond A. Maxey ang pagtunol sa 450 ka piraso sa native tinalak backpacks, 200 pieces sa abaca shoulder bags, 400 t-shirts, 200 ka piraso sa bamboo notebooks, 200 ka bamboo ballpens, 200 ka customized towels, ug tulo ka mga “agong” ngadto sa Indigenous People’s Mandatory Representative (IPMR) sa Sangguniang Panlungsod Councilor Peg-Buyyahon Rodolfo M. Mande.
Naa usab ang presensiya sa SDD-CMO representative nga si Cindy Cruz atol sa turn-over ceremony nga gipahigayon sa PSC Mindanao Office sa Juna Subdivision, Matina, Davao City.
Gikanayon ni Commissioner Maxey nga usa usab ka Dabawenyo nga kabahin kini sa programa sa PSC nga sports for all subay na usab sa kamanduan ni pangulong Rodrigo Duterte nga himuong available ang sports alang sa tanang mga Pilipino.
Dugang pa ni Maxey nga nasabutan sa PSC nga ipamalit nila ug school supplies alang sa mga kabataang Lumad ang portion sa budget sa IP Games,
