DAVAO CITY – Mihatag ug katin-awan si Raul Millana, head sa Fisheries Production Support Services Division sa Bureau of Fisheries and Aquatic Resources (BFAR) –Davao nga luwas pa gihapon nga kaunon ang mga isda gikan sa mga lugar nga duna ng gideklara nga apektado sa redtide partikular na sa Sta. Maria.
Sumala pa kang Millana walay angayan nga kabalak-an ang mga manguha ug isda sa mga baybayon nga apektado sa red tide basta kay limpiyohan lamang kini ug tarong ayha lutuon.
Hinuon gitino sa nahisgutan nga kinahanglan una nga likayan ang mga kinhason sanglit taas ang toxin level ug posibleng mohatud ug suliran sa panglawas ang mga makakaon niini.
Una ng gibutyag sa ahensiya nga apektado sa red tide ang mga kinhason sa Balite Bay sa Mati, Davao Oriental ug Sta. Maria sa Davao Occidental.
Gikanayong dili kalikayan nga makasinate ug red tide ang nahisgutan nga lugar sanglit panahon karong sa ting-init ug sagad sumala pa nga masinatian ang kontaminasyon sa tubig gawas pa sa polusyon sa kadagatan.
