DAVAO CITY – Gipagawas na ni Davao City Mayor Inday Sara Duterte ang Executive Order (E.O.) 45-A, nga nagmando alang sa hiring sa mga fully vaccinated individuals lamang sugod January 1, 2022.
Ang E.O. 45-A, nga gilagdaan niadtong September 20, mao ang new version sa E.O. 45, o mas nailang “An Order Mandating The Vaccination Of All City Government of Davao Plantilla, Job Order, Contract of Service, and Volunteers For COVID-19 and Stipulating Sanctions For The Refusal of Such,” nga gilagdaan ni Mayor Inday Sara niadtong September 15.
Apan, wala gilatid sa EO 45 version kung kanus-a magbaton ug gahum ang pagdawat ug mga fully vaccinated lamang nga mga empleyado sa gobyerno.
Ang nahisgutang mga EOs ang susamang nagmando sa mandatory vaccination sa tanang mga empleyado sa lokal nga kagamhanan sa dili pa molampas ang November 30, 2021, ug ang mga dili mosunod niini ang mag-atubang ug silot.
Mag-atubang ug insubordination ug silot nga 1 ka adlaw hangtud 6 ka bulan ang usaka plantilla personnel nga dili magpabakuna alang sa first offense ug dismissal na gikan sa serbiyso alang sa second offense.
Hinuon, exempted gikan sa mandatory COVID-19 vaccination ang adunay mga medical reasons, sama sa contraindications sa bakuna.
Gikan sa 20,000 ka mga empleyado s alokal nga kagamhanan, 12,000 na ang nabakunahan ug walay natalang adunay namatay.
Gipagawas ang bag-ong direktiba gumikan sa nagkataas nga kaso sa covid 19 sa syudad, diin 42 sa 46 ka mga namatay ang wala nabakunahan.
Samtang, gibutyag usab sa mayor nga wala pa maka-abot ang syudad sa punto nga nag-require ug mandatory vaccination sa tanang mga residente sa syudad sama sa ubang kanasuran.
