DAVAO CITY – Mayor Baste gusto nga dugangan ang Lingap satellite offices sa Syudad. Planong padaghanon ni Mayor Baste Duterte ang satellite offices sa Lingap para sa Mahirap sa syudad aron mapaduol pa ang serbisyo sa gobyerno ngadto sa mga Dabawenyo.
Ang Lingap Para sa Mahirap programa sa local nga panggamhanan sa syudad alang sa mga kabus nga nanginahanglan og tabang medikal ug funeral assistance.
Sa pagkakaron, adunay upat ka satellite offices sa dakbayan nga nahimutang sa Marilog District, Bunawan, Toril, ug Paquibato District nga adunay main office sa Southern Philippines Medical Center (SPMC).
Nagkanayon usab ang mayor nga mangayo kini ug tabamg City Traffic Transport and Management Office (CTTMO) aron sa pagpangita ug nindot nga lokasyon nga kabutangan og satellite office alang sa Lingap para sa Mahirap.
Kahinuduman nga niadtong milabayng tuig, ang siyudad naglunsad og online platform alang sa pagpangayo og medikal nga tabang ubos sa Lingap Para sa Mahirap progra.
Kung kinsa man ang gustong mo-avail sa Lingap assistance mahimong pangitaon ang Lingap Para sa Mahirap sa Facebook.
Via | Bryan Chin Abe
