DAVAO CITY – Gitugyan ni Davao City Mayor Sebastian Duterte ngadto sa mga ahensya ang desisyon mahitungod sa pagpausbaw sa pasahe sa mga pampasaherong jeep.
Gikanayon ni Mayor Baste nga anaa gihapon sa mga ahensya sa gobyerno sama sa Land Transportation Franchising and Regulatory Board kon LTFRB ang diskresyon sa pagpahigayon ug fare hike ilabi nang dunay pipila ka mga grupo ang niapela sa dos pesos nga dungag sa pletehan sa mga jeep.
Kahimunduman nga gikasugyot sa usa ka grupo sa mga jeepney drivers sa rehiyon ang gilaumang fare hike tungod na sab sa pagsaka sa presyo sa lana ug ubang nag-unang palaliton.
Sa pagkakaron, wala pay nadawat nga apela ang LTFRB 11 ug dili pa kini una makamugna ug ordinansa mahitungod sa maong mulo.
Kasamtangang anaa gihapon sa onse pesos ang gipatumang fare increase sugod niadtong Hulyo gikan sa nuebe pesos nga pasahe pagsugod sa pandemya.
via || Bombo LJ Florendo
