Nagtala ang Mayon Volcano og lava flow ug moderate strombolian activity sa ika-192 ka adlaw, sumala sa Philippine Institute of Volcanology and Seismology (PHIVOLCS).
Namonitor sa PHIVOLCS ang pipila ka higayon nga midagayday ang lava ug pagbuto gikan sa crater sa Mayon kagahapon sa gabii, Hulyo 15, 2026.
Base sa taho sa PHIVOLCS Quick Response Team, upat ka nagkalainlaing volcanic activity ang natala sulod sa tibuok gabii.
Nagpadayon usab ang bulkan sa pagbuga og lava, pyroclastic density currents o mas nailhang “uson,” ug mga nangatagak nga mga bato gikan sa bakilid sa bulkan.
Tungod niini, nagpabilin ang Alert Level 3 sa Mayon Volcano.
Gipadayon sa PHIVOLCS ang hugot nga pagdili sa pagsulod sulod sa unom ka kilometrong Permanent Danger Zone tungod sa hulga sa kalit nga pagbuto, pagdagayday sa lava, pagkatumpag sa mga bato, ug uban pang delikadong kalihokan sa bulkan.
