DAVAO CITY – Posible nga dili pa paagian sa katawhan ang Matina Overpass sa Davao City sumala sa Barangay Disaster Risk and Reduction Team tungod sa pagkahiagum ug mga liki-liki, resulta sa nahitabong 5.6 magnitude nga linog nga mitay-og sa kasadpang bahin sa Davao City kagahapon sa alas 4:23 sa hapon.
Sa pikas bahin, nanawagan ang City Disaster Risk Reduction and Management Office sa mga residente sa nasangpit na lugar nga makipag-koordinar sa ilang buhatan kon masuta nga duna pay mga istruktura nga nangadaut tungod sa linog pinaagi sa ilang emergency numbers.
Gikatakda sab nga magpahigayon ug hugot nga panukiduki ang City Engineering Office sa Matina Overpass. Kahimundumang natala ang 5.6 nga linog ug anaa ang episentro niini sa Magsaysay, sa Davao del Sur.
VIA || Bombo David Francisquete
