DAVAO CITY – Gitay-og sa magnitude 5.1 nga linog ang probinsya sa Davao Occidental pasado alas 7:16 kagabie.
Sa gipagawas nga bulletin sa PHILVOLCS, nasigpatan ang epicenter sa linog sa gilayong 122 sidlakan nga bahin sa Sarangani diin duna kini gilawmon nga mukabat sa 146 kilometers.
Nitala usab og intensities ang maong pagtay-o diin Intensity III ang nasinatian sa Glan ug Maitum, Sarangani. Intensity II sa General Santos City ug Kiamba, Sarangani.
Base sa mga Instrumental Intensities nga nasagap sa buhatan, nasinati ang Intensity II sa Davao City, Davao Del Sur; Kiamba ug Malungon, Sarangani.
Samtang Intensity I ang natala sa Maasim ug Alabel, Sarangani; General Santos City, T’Boli, ug Koronadal City sa South Cotabato.
Wala man hinuon natalang nangaangol sa maong linog.
via || Bombo Mel Valledor & Bombo LJ Florendo
