DAVAO CITY- Gi-awhag sa City Government of Mati Davao Oriental ang mga ginikanan nga pabakunahan kontra tipdas ang ilang mga anak nga nag edad og 5-anyos paubos.
Kini human nga adunay tulo nga gituohang kaso sa tipdas ang natala sa syudad diin usa niini naggikan matud pa sa Barangay Sainz, ug ang duha gikan usa Brgy. Matiao. Kasamtangang ginaproseso ang pagpailalom sa blood serum sample ngadto na usab sa Regional Epidemiology Surveillance Unit nga gilayong muabot og 2-3 ka semana ang paabuton aron makumpirma ang maong balatian.
Samtang ang Mati City Health Office maglusad karon og Outbreak Response Immunization o paghatag og bakuna kontra tipdas sa mga indibidwal nga wala pa nakadawat niini.
Gilayong ang measles makatakod nga balatian pinaagi sa droplets o close contact sa tawong adunay tipdas. Usa sa mga pamaagi aron malikayan kini mao ang pag-sul-ob og facemask ilabi na sa daghang pundok sa katawhan.
VIA|| Bryan Chin Abe
