Opisyal ng gipaila sa NBA superstar LeBron James isip pinakabag-ong miyembro sa koponan, diin opisyal usab nga gipakita ang iyang jersey nga adunay numerong 23 alang sa bag-ong kapitulo sa iyang karera sa NBA.
Matud pa kang Sixers Managing Partner Josh Harris, dakong dungog alang sa organisasyon ang pag-abot ni James, nga ilang gilauman nga makatabang sa pagpasig-uli sa kampanya sa koponan alang sa NBA championship. Dugang pa niini, gilauman nga makigdungan si LeBron nila Joel Embiid, Tyrese Maxey, Jaylen Brown, ug VJ Edgecombe sa pagpalig-on sa kampanya sa Philadelphia sa umaabot nga NBA season. Matud pa, sa edad nga 41, gihandom ni James nga mahimong unang mandudula sa kasaysayan sa NBA nga makadaog og kampeonato uban sa upat ka nagkalain-laing koponan, human sa iyang mga titulo uban sa Miami Heat, Cleveland Cavaliers, ug Los Angeles Lakers.
Kahinumduman, gipadayag ni James niadtong miaging semana nga ang iyang pagbalhin sa Philadelphia mao na ang iyang katapusang desisyon sa NBA, tungod kay nagtuo siyang adunay igong kusog ang 76ers aron makabalik sa kampeonato. Sa kasamtangan, gibutyag ni Sixers President of Basketball Operations Mike Gansey nga ang pag-abot ni James dakong pagpalig-on sa koponan, ug gilauman nga dako ang iyang ikahatag dili lamang sulod sa court kondili usab isip lider ug ehemplo sa organisasyon.
Kahinumduman usab, kataposang nakadaog og NBA championship ang Philadelphia 76ers niadtong 1983, o kapin na sa 40 ka tuig ang milabay. Ang pagkuha kang LeBron James giisip karon nga usa sa labing dakong lakang sa prangkisa aron matapus ang ilang dugay nang gihulat sa laing titulo.
