TRIGGER WARNING: SUICIDE, DEPRESSION
DAVAO CITY – Gideklarang patay ang usa ka lalake human nga nahulog gikan sa ika unom nga andana sa usa ka dagkong mall diri sa dakbayan sa Davao bandang alsa-kwatro sa hapon kagahapon.
Base sa inisyal nga imbestigasyon sa kapulisan, nailhan ang maong lalaki nga si Zachary Go, baynte dos anyos, taga Sarayan, Ginatilan, Kidapawan City.
Nasayran na lamang sa usa ka guard on duty sa may exit area sa maong mall ang maong panghitabo dihang nadunggan niya ang usa ka lagubo hangtud nakit-an niya ang patayng lawas sa lalaki.
Gikataho pa nga nagbaton kini ug hilabihang kaguol human nakipagbulag ang iyang uyab.
Namatikdan sab ang mga ulahing posts sa iyang social media account pipila ka higayon bag-o nahitabo ang pagpakamatay sa lalaki.
Gipahimutang na ang patayng lawas sa maong lalaki sa usa ka punerarya diri sa dakbayan samtang nagpadayon gihapon ang imbestigasyon sa maong insidente.
VIA|| Bombo LJ Florendo
