ANALYSIS –
Hustisya mao kini ang singgit sa kabanay sa usa ka dalagang Architect nga gilugos-patay sa may Banana Plantation sa Dacudao, Calinan niadtong Mayo 17.
Ulahing nasigpatan ang maong biktima pasado alas 10 sa gabie sakay sa usa ka Ongbak pauli gikan sa trabaho pero wala na kini nakaabot pa sa ilang pinuy-anan.
Pasado alas 8 sa buntag Mayo 18 nabulabog ang syudad human nga nakaplagan sa mag-uuma ang patay’ng lawas sa Architect sa banana plantation.
Hangtod karon nagpabiling tanghaga kon asa na ang Ongbak nga gisakyan sa biktima ug kinsa ang suspek sa maong krimen.
Pila ka adlaw human sa insidente sa pagpanglugos patay sa Architect, gikataho usab ang pagka missing sa pipila ka mga kalalakin-an sa Calinan.
Mayo 26 sa gabie dihang gituohang gidagit ang usa ka 23 anyos nga si Dennis Panzan. Sumala sa kabanay sa nahisgutan nagkatag na ang gamit sa higdaan og abli na ang gate sa likod nga bahin sa meat shop nga gitulogan sa biktima.
Samtang niadtong Mayo 27 sa alas 3 sa hapon dihang gituohan sa pamilya nga gidagit ang usa ka 19 anyos nga si Kenneth Espinosa hangtod karon wala pa nakita. Sa susamang adlaw gisikop pinaagi sa Buybust operation sa NBI ug PDEA ang usa ka Renato Bayansao Alyas Empoi. Nikalampag pa ang kabanay sa nahisgutan gumikan sa matod pa basta lang gisulod sa panimalay si Empoi ug giplanteran sa ginadiling droga ug pistola.
Sa pikas bahin gibarugan sa NBI ga lehitimo ang gihimo nilang operasyon kauban ang mga elemento sa Philippine Drug Enforcement Agency-XI batok kang Renato Bayansao Alyas Empoi.
Gani sumala pa kang NBI-XI Regional Director Atty. Arcelito Albao, legal, well-documented, dunay mga representante gikan sa DOJ, barangay ingon man taga media ug dunay body-worn cameras ang mga operatiba nga naglusad sa operasyon batok kang Bayansao nga maoy usa sa mga persons of interest sa paglugos patay kang Vlanche Marie Bragas.
Pagka Mayo 31 – usa ka batan-on nga lalaki ang nitunga sa likod nga bahin sa usa ka panimalay sa Matina Pangi ang nangayo og tabang.
Sa paghulagway sa mga saksi, daw survivor sa salvage ang biktima diin giputos pa og packaging tape ang ulo niini ug nakapusas. Puno usab sa bun-og ang lawas ug duna pay paso sa sigarilyo ang panit sa biktima nga indikasyong gi-torture ang nahisgutan.
Na turn over pa si Panzan sa kapulisan una kini nakabsan sa kinabuhi. Gawas kang Dennis Panzan ug Kenneth Espinosa, wala na usab nakauli pa ang usa ka 56 anyos nga si Rodrigo Cadungog, kinsa maoy unang nitabang kang Dennis Panzan nga madala ngadto da barangay.
Pero bisan paman sa pamahayag sa PNP, nagpabiling tanghaga ang sunod sunod nga makonsiderang misteryo nga nahitabo sa Davao City.
Sigon sa mga nakasaksi nakasulti matod pa si Dennis Panzan nga nakaikyas siya human nga nalipat ang duha katawo nga nagtambay kaniya ug sa uban pa, gipugos matod pa siya nga siya ang responsibly sa paglugos patay ngadto kang Vlance Bragas.
Aduna ba gyud kaha kalambigitan ang mga abduction nga nahitabo sa rape slay sa Calinan?.
Asa pud kaha gitago ang Ongbak nga ulahing gisakyan sa biktimang si Vlance Bragas niadtong Mayo 17?
