DAVAO CITY – Gipasalig sa tropa sa kasundalohan nga himuon nila ang tanan aron nga magpabilin ang kahusay ug kalinaw sa Paquibato District ning dakbayan sa Davao.
Sumala pa kang Col. Nolasco Mempin, commander sa 1003rd Infantry Brigade Philippine Army, kinahanglan nga mapabilin nga layo sa bisan unsa man nga bahad sa mga terorista ang lugar ingon man kadtong adunay mga dautan nga plano.
Kahinumduman nga usa ang Paquibato sa mga lugar sa dakbayan nga gikotahan sa mga rebeldeng New People’s Army (NPA) hangtud nga naangkon ang kalinaw pinaagi sa gipatuman nga Peace 911 sa lokal nga panggamhanan.
Gitataw sab ni Col Mempin nga kinahanglan tutokan pa gihapon nila ang nahisgutan nga dapit aron masiguro nga dili na makabalik sa maong dapit ang mga rebelde ilabi na karon nga usa ang Paquibato sa mga pilot area sa ipatuman nga peace economy.
