DAVAO CITY – Gihagit karun sa Police Regional Office (PRO) Davao Region ang tanan nga mga police officials sa Davao Region nga kab-uton ang zero cases sa election-related violence gumikan kay mamahimo sumala pa nga ma-relieved sa katungdanan ang mga nahisgutan.
Sumala pa kang PRO-Davao spokesperson Eudisan Gultiano gipagula ang maong kamandoan ni Regional Director Brigadier General Benjamin Silo Jr. ilabi na nga nagduol na sab ang national and local elections sa Mayo 9.
Gani kinahanglan sumala pa nga resulbahon sa head police officials ang kaso nga matala sulod sa 24 ka oras. Una na sab nga gipahimangnoan ni Silo atol sa send-off ceremony sa Protective Security Personnel sa Camp Sgt. Quintin M. Merecido sa Buhangin ang mga kapulisan nga kinahanglan pabilin kini nga non-partisan alangsa nagsingabot nga 2022 elections ug gipahimangnoan ang mga opisyal sa kapulisan nga muhatag ug protective security ngadto sa political candidates.
Kahinumduman nga anaa sa 16 ka mga 16 election hotspots ang una ng natala dinhi sa rehiyon gumikan sa init nga panag-atbang sa mga politiko sukad sa milabay nga eleksiyon.
Ang nahisgutan nga mga dapit ang gilangkuban sa munisipalidad sa Sta. Cruz, Matanao, Magsaysay, Malalag, Hagonoy, Padada, New Corella, and Monkayo samtang ang munisipalidad sa Kiblawan, Lupon, Mabini, Maco, Maragusan, Montevista, New Bataan, ug Pantukan ang anaa karun sa orange category areas.
Samtang gibutyag sab ni Gultiano nga padayon pa nila nga giimbestigahan ang managlahi nga shooting incidents sa lalawigan diin nahitabo kini karung panahon sa local elections.
Usa niini ang pagpatay sa kanhibarangay kagawad candidate Danilo Lumikid Jr. sa Manay, Davao Oriental ug ang pagpusil patay sab kang Barangay Matiao Captain Ronnie Valera sa Mati City sa milabay nga Abril 23, 2022 diin gisulod kini sa mga armadong kalalakin-an sa ilang panimalay samtang nagduyan ayha gipusil sulod sa pipila ka higayon.
Apan gikanayon sumala pa sa otoridad nga wala sumala pay kalabutan sa eleksiyon ang pagpatay sa biktima.
