Posible nga kapin sa katunga sa mga miyembro sa House of Representatives ang moboto nga pabor sa impeachment ni Vice President Sara Duterte, sumala pa kini kay House Deputy Speaker Janette Garin.
Sumala sa kongresista, kung kini mahitabo molapas pa sa gikinahanglan nga 106 nga boto sa Kamara aron mapasa ang impeachment complaint ngadto sa Senado alang sa pagdungog.
Gisulti sab ni Garin nga ilawom sa Lakas-CMD, adunay kapin 80 ka miyembro sa kamara, posibleng 2/3 ang mosuporta sa impeachment bas sa ebidensiyang gilatag sa mga pagdungog.
Gani, sulti sab sa mga pipila ka magbabalaod nga mamahimong maim pluwensiyahan sa pulitika ug kahimtang sa ilang distrito ilabi na sa Mindanao.
Gipunto sab ni Garin nga dili usa ka party stand ang Lakas-CMD ug tagaan og karaptan nga moboto base sa ilang konsensya.
Samrang, giinon sab ni Bicol Saro Party-list Rep. Terry Ridon nga gilauman niya nga muabot sa katunga ang party-list representatives ang mosuporta sa impeachement complaint.
Sa pikas bahin, mipadayag sab si Davao City 1st District Rep. Paolo Duterte nga dili angay impluwensiyahan og pressure ang moboto nga mga magbabalaod, kini subay sa mga alegasyon nga gigamit kuno ang budget ug Statements of Assets, Liabilities and Networth (SALN), aron maimpluwensiyahan ang boto.
Gihimakak kini sa mga pipila ka mga kongresista ug gihagit ang kampo sa bise presidente nga muatubang sa mga delibersayon sa Kamara.
Padayon sab nga ginalauman sa House Committee on Justice ang pagtapos sa committee report ug articles of impeachment, nga pagahisgutan usa isumite sa plenaryo.
Gitakdang moboto ang kamara sa committee report sa umaabot nga Mayo 11, 2026.
