DAVAO CITY – Muabot sa 6,154,124 nga ihap sa mga pasahero ang nakabenepisyo sa Service Contracting Program sa Land Transportation Franchising and Regulatory Board – XI.
Ang maong datos ang gikan Abril 11 hangtud Hunyo 29 .
Kahinumduman nga natapos na kagahapong adlawa, Hunyo 30, 2022, ang Libreng Sakay ug Net Service Contracting ilalom sa General Appropriations Act (GA) 2022.
Gumikan niini, mipaabot og pasalamat si LTFRB XI Regional Director Nonito ‘Don’ Llanos III uban ang tibuok ahensya ngadto sa mga partner-operators, cooperatives ug drivers gumikan sa ilang kooperasyon ug suporta sa maong programa.
Kahinumduman, gilusad ang Service Contracting Program sa Rehiyon Unse niadtong Abril 11, 2022 diin tumong sa maong programa sa DOTr-LTFRB ubos sa administrasyong Duterte nga matabangan ang sektor sa transportasyon gumikan sa giatubang nga krisis sa pandemya ug pag-usbaw sa presyo sa lana.
Via || Hana Rallos
