DAVAO CITY – Nagsaulog sa iyang ika-79 nga adlawng natawhan si Former Davao City Mayor ug kanhi Pangulong Rodrigo Duterte pinaagi sa usa ka simpleng panagtigom kauban ang iyang pamilya, niadtong Huwebes Santo, Marso 28.
Sa post sa social media sa iyang anak nga si Davao City 1st District Congressman Paolo Duterte, gipakita niini ang pag-uban uban sa mga apo sa usa ka panihapon kauban ang ilahang Lolo Digong sa ilahang panimalay sa Doña Luisa Subdivision ning dakbayan.
Nagpasalamat si Pulong sa iyang amahan sa iyang kaalam ug kakusog nga nahimo niining inspirasyon sa pagmahal ug pag-alagad sa nasud.
Gihulagway pa sa anak nga usa lamang kini nga simpleng selebrasyon sa usa ka simpleng public servant.
Nagpadala sab og cake, tradisyonal nga pancit, kilawing kambing ug sinuglaw si Senador Bong Go ngadto kang Digong sa mismong adlawng natawhan niiini.
Apan una pa niana, nagpahigayon ang mga supporters ni kanhi Pangulong Digong ug usa ka advanced birthday celebration alang sa iyang ika-80 nga adlawng natawhan nga gitapuk-an sab sa pamilya, mga higala ug kaubanan sa pulitika.
Nagpasalamat sab si Pangulong Digong sa mga tagasuporta nga nagtimbaya ug nakig-uban kaniya sa pagsaulog sa iyang adlawng natawhan.
Samtang, nagpaabot sab og pagtimbaya si Pangulong Bongbong Marcos nga nag-angkong duna gihapon kini maayong pagtagad sa kanhi pangulo taliwala sa mga nadawat niining pagbatikos atol sa nahitabong Prayer Rally sa Davao City diin gikanayon sa kanhi pangulo nga mahisusama ang kapalaran niini sa iyang amahan nga si President Ferdinand Marcos Sr.
Human gihagit si PBBM nga magpa-drug test sa miaging buwan, gihimakak ni Duterte ang pag-akusar kaniya nga nalambigit sa ilegal nga druga.
via || Bombo LJF
