DAVAO CITY – Nahimong malinawon ang ikaduhang simana sa pagpang-apud apud sa Educational Aid sa Department of Social Welfare and Development kon DSWD.
Sumala sa buhatan, kapin 11,023 ka mga benipisyaryo ang nahatagan ug kapin P27 million pesos nga educational assistance sa tibuok Davao Region.
Gidagsang sa mga ginikanan ug mga estudyante ang mga pay-out centers sa tibuok rehiyon dala ang paglaum nga maka-amgo sa nahisgutang ayuda sa gobyerno.
Sa Davao City, nagkataas ang pila sa may Jose P. Rizal Elementary School sa dalang Damaso Suazo St. ning dakbayan, gumikan sa pagpanimpalad nga makakuha ug asistance gikan sa ahensya.
Dunay palaran nga nakadawat, apan duna sab napakyas sa pag-apply tungod sa kuwang nga rekisitos o naabtan sa cutoff.
Tungod sa gidaghanon sa mga apilkasyon, temporaryong ginasuspinde sa buhatan ang paghulog ug requirements sa dropbox sa DSWD 11 Field Office sugod kagahapon.
Nagpahibalo sab ang DSWD 11 nga dili mutuo sa mga text messages nga nag-unod ug malisyosong inpormasyon. Sanglit, magpaabot sa mga mensahe via text gikan sa mga numerong dunay last four digts nga 6192 o 5857 alang sa pay-out schedule.
VIA || Bombo LJ Florendo
