Gipatin-aw ni House prosecution lawyer Atty. Benjamin Tolosa Jr. nga kalit ang pag-usab sa ilang plano human nila mahibaloi nga dili makatambong ang unang nakatakdang testigo nga si Edward Fajarda.
Matod pa ni Tolosa, tungod niini, gilayon silang nangandam ug nagpresentar og alternatibong mga testigo aron dili maantala ang dagan sa impeachment trial ni Vice President Sara Duterte.
Dugang pa, iyang gipasiugda nga dili kinahanglan ipresentar ang tanang posible nga testigo kung adunay igo nang testimonya ug ebidensya nga makapamatuod sa importanteng punto sa kaso.
Lakip sa ilang konsiderasyon ang kahimtang sa hostile witnesses, diin mas maampingon ang prosecution sa pagpili kung kinsa ang kinahanglan tawgon sa korte.
Sumala pa ni Tolosa, ang ilang tumong mao ang pagpabiling organisado ug epektibo ang pagpresentar sa kaso bisan adunay kalit nga kausaban sa availability sa mga testigo.
Sa pagkakaron, padayon ang prosecution sa pag-adjust sa witness lineup aron malikayan ang dugang nga delay sa proceedings. | VIA BOMBO EROS PAJOTA
