DAVAO CITY – Anaa sa 3,337 ka mga estudyante sa tibuok Davao Region ang nahatagan ug tabang pinansyal sa Department of Social Welfare and Development Region 11 pinaagi sa Educational Assistance Program sa buhatan.
Sumala sa ilang gipagawas nga datos, 1,055 ka mga estudyante sa elementarya ang nahatagan ug kapin P1.55 million nga hinabang;
820 ka estudyante sa high school ang nakapahimulos sa kapin P1.64 million nga cash grant;
ug 430 ka senior high students ang gigiyahan ug kapin P1.29 million.
Samtang anaa sa 1,029 ka benepisyaryo ang nakakuha sa kapin P4.17 million nga assistance, ug 3 ka vocational students ang nagarantiyahan ug P12,000 nga hinabang.
Gipaklaro sab sa DSWD 11 nga walay labot sa mahatagan ug cash assistance ang mga nursery ug kindergarten pupils ug mga pamilyang benepisyaryo sa Pantawid Pamliyang Pilipino Program kon 4Ps.
Ipadayon gihapon sa ahensya ang panghatag ug cash assistance matag Sabado nga pagadumalahan na sa mga LGUs diri sa rehiyon subay na sab sa gisugyot ni DSWD Secretary Erwin Tulfo.
VIA|| Bombo LJ Florendo
