Magpadayon ang epekto sa Southwest Monsoon o Habagat nga magdala og kusog ngadto sa grabeng pag-ulan sa dakong bahin sa Luzon ug pipila ka lugar sa Visayas hangtod sa Lunes, Agosto 10. Sumala sa labing bag-ong weather advisory sa PAGASA, karong Sabado, Agosto 8, gilauman ang 100 hangtod 200 millimeters nga ulan sa La Union, Benguet, Zambales, Bataan ug Occidental Mindoro.
Dugang pa niini, 50 hangtod 100 millimeters nga ulan ang posibleng masinati sa 200 millimeters
Matud pa sa PAGASA, gikan Sabado sa gabii hangtod Domingo sa gabii, Agosto 9, magpadayon ang 100 hangtod 200 millimeters nga ulan sa Ilocos Sur, La Union, Abra, Benguet, Zambales, Bataan ug Occidental Mindoro, samtang 50 hangtod 100 millimeters usab ang gilauman sa Ilocos Norte, Pangasinan, Apayao, Kalinga, Mountain Province, Ifugao, Nueva Vizcaya, Tarlac, Nueva Ecija, Pampanga, Bulacan, Metro Manila, Rizal, Cavite, Batangas ug Antique.
Sa Lunes, Agosto 10, magpadayon gihapon ang kusog nga pag-ulan sa Ilocos Sur, La Union, Benguet, Zambales ug Bataan, samtang mahimo usab nga makasinati og padayon nga pag-ulan ang ubang probinsya sa Luzon ug Occidental Mindoro. Gipasidan-an usab sa PAGASA nga posibleng molapas pa sa forecast ang kadaghanon sa ulan sa mga kabukiran ug taas nga lugar.
Tungod niini, gihangyo ang mga residente ilabina ang nagpuyo sa kabukiran ug mga lugar nga daling bahaan nga magmatngon batok sa posibilidad sa landslide ug flash flood.
