DAVAO CITY – Patay ang usa ka 23-anyos nga lalaki nga gipasanginlan sa Bragas rape slay human giatake sa seizure samtang gina-interview sa kapulisan. Matud pa sa biktima, ayha siya nakabsan sa iyahang kinabuhi, gi-kidnap siya sa Barangay Calinan.
Subay sa taho sa mga kapulisan, mitawag sa ilaha ang Brgy. Kapitan sa Matina Pangi nga si Benjamin Badon diin gibutyag niini nga adunay usa ka lalake nga gitalian ang mga kamot ang nangayog tabang, bandang alas 6:30 Lunes sa buntag, Mayo 29.
Daling gihimo sa police nurse ang respiratory resuscitation dayon gidala sa Davao Adventist Hospital sa Bangkal Brgy. Talomo, Davao City diin gideklarang dead on arrival sa attending physician.
Sumala pa ni Police Major Noel Villahermosa, Station Commander sa Talomo Police Station, gitaptapan og packaging tape ang maong biktima nga giilang si Dennis Roy Pansan, 23-anyos ug taga brgy. Calinan.
Ning kasamtangan, gikanayon sa Police Major nga ilang imbestigahan ang nahisgotang insidente aron masayran ang nagpaluyo sa maong krimen.
