DAVAO CITY – Laoman nga mamahimo ng maagi-an ang gi-repair nga Talomo bridge pagsulod sa bulan sa Disyembre.
Kini ang gipasalig sa ahensiya sa Department of Public Works and Highways (DPWH)- 11.
Sumala pa kang Dean Ortiz, tigpamaba sa DPWH-11, dakong tabang ang duruha ka lane sa Talomo bridge sa Ulas ning siyudad aron makunhuran ang dagan sa trapiko sa nahisgutan nga lugar ilabi na nga nagsingabot na sab ang adlaw sa kapaskohan.
Hinuon gitino ni Ortiz nga duruha ka lane lamang una ang ablihan sa mga motorista gumikan kay sa bulan sa Marso 2020 pa ang ilang target aron nga tapuson ang pag-rehabilitate niini.
Samtang gikanayon sab sa ahensiya nga sementuhon ang gitukod nga Taal Bailey Bridge nga nagkonekta sa Taal road sa royal valley subdivision sa bangkal ug ulas ning siyudad.
