DAVAO CITY – Temporaryong ihunong usa ang pagpatuman sa facemask ordinance dinhi sa dakbayan sa Davao. Nagpasabot kini nga undangon usab ang pagpanakop alang sa mga facemask violators. Kini mismo ang gikumpirma sa hepe sa Davao City Health Office nga si Dr. Ashley Lopez.
Matud pa sa opisyal nga mando kini gikan kang Davao City Mayor Sebastian Duterte isip pagtuman sa gipirmahang Executive Order Number 3 ni Pangulong Ferdinand Bongbong Marcos Jr. kagahapong adlawa nga nagtugot nga himoong opsyonal na lamang ang pagsul-ob og facemask sa outdoor areas. Kahinumduman nga gilayon sab nga gisugdan sa lokal nga panggamhanan ang pagpatuman sa maong ordinansa.
Hinoon, gipaklaro nga aduna gihapon mga kondisyones ang maong pagtugot diin kinahanglang magsuot gihapon og face mask sa sulod sa establisyemento ug sa mga pampublikong transportasyon. Dili pwede niini ang mga tigulang, masuso, ug mga immunocompromised nga mga indibidwal.
