DAVAO CITY – Duha ka mga barangay sa Davao City ang nagpabiling anaa ilalom sa High Risk Category sa Covid-19. Kini subay sa bag-ohay lamang gipagawas sa lokal nga panggamhanan nga barangay classifications gikan Septyembre 19 hangtud Septyembre 24 ning kasamtangang tuig.
Ang nahisgutang duha ka mga barangay mao ang 30-C ug Malagos. Sa pikas bahin, 15 ka mga barangay sab ang gipailalom sa Moderate Risk Classification nga gilangkuban sa barangay 4-A, 7-A, 9-A,10-A,16-B, 17-B,19-B, 20-B, 29-C, 32-D, A. Angliongto, Sr., Catalunan Grande, Indangan, Matina Crossing ug V. Hizon, Sr.
Subay niini, padayon ang pahimangno sa lokal nga panggamhanan sa Davao sa tanang dabawenyo nga likayan ang pag-adto sa mga lugar nga adunay mga natalang kaso sa Covid-19 gawas lamang sa negosyo, trabaho ug emerhensiya nga sitwasyon.
