DAVAO CITY – Pasakahan na ug kaso ang duruha ka mga lalaki nga nasikop kagahapong adlawa sa managlahing buy bust operation.
Naila ang mga suspek nga sila si Jariel Goliban ug Jamel Tangcaag.
Nasikop si Goliban human kini nakuhaan ug usa ka sachet sa ginadili nga droga ingon man lain pa nga mga pakete sa shabu nga kantidad sa P2,500.
Gi-angkon ni Goliban nga migamit siya ug shabu apan gipanghimakak niini nga namaligya siya ug ginadili nga droga.
Samtang nakuhaan sab ug duruha ka pakete sa shabu si Tangcaag sa usa ka checkpoint sa Lasang ning siyudad. Gikanayong sakay sa bus si Tangcaag dihang nababagan kini sa checkpoint.
Sumala kang PO1 Ebenezer Ebdao, namatikdan niini nga daw milikay sa inspeksyon si Tangcaag. Apan dihang gihiling ang bulsa niini, narekober ang mga sachet sa shabu nga nagkantidad ug P1,000.
Gi-angkon ni Tangcaag nga iyang ang mga nakuhang illegal drugs ug personal sumala pa niya kini nga konsumo.
Susama nga mag-atubang ug kasong kalapasan sa Comprehensive Dangerous Drugs Act ang mga dinakpan.
