DAVAO CITY – Sikop sa hiniusang pwersa sa Toril PNP ug Task Force Davao sa checkpoint sa Sirawan, Toril ning siyudad bandang alas 9:10 kagabie ang managhigala nga mibiyahe pasulod sa dakbayan sa Dabaw nga nagsakay sa usa ka Ford Ranger nga puti human kini makuhaan og glass tooter ug pistola.
Ang mga dinakpan ang giilang sila alyas “ALDREN”, 36 anyos, minyo ug mag-uuma sa La Filipina ug residente sa siyudad sa Tagum ug ang kauban niini nga si alyas “ROLDAN”, 52 anyos, usa ka kapitan, minyo ug taga Sultan Kudarat.
Anaa karon sa Toril Police Station ang mga dinakpan diin gikatakda kining mag-atubang og kasong paglapas sa RA 9165 o Comprehensive Dangerous Drugs Act ug RA 10591 o Comprehensive Firearms and Ammunition Regulation Act.
Via || DANICA BAGUIO
