DAVAO CITY – Nagpadayon karon ang pagpaningkamut sa ahensiya sa Philippine Drug Enforcement Agency (PDEA)-11 aron lamang madungagan pa ang ihap sa mga Barangay sa Davao region nga madeklarang drug free sa Regional Oversight. Committee Barangay Drug Clearing.
Kahinumduman nga mikabat sa kapin 10 ka mga barangay Davao Occidental ang una ng nadeklara nga drug free.
Una ng gibutyag sa ahensiya nga resulta kini sa mas gipahugtan pa nila nga anti-illegal drugs campaign sa otoridad sa Davao Occidental.
Pipila sa mga barangay ang gilangkuban sa Baluntaya, Dalupan, Kiobog, Linadasan, Lapuan, Lawa, Mabuhay, North Lamidan, Nueva Villa, ug West Lamidan nga susamang nahimutang sa Don Marcelino sa Davao Occidental.
Gikanayong nakapasar ang nahisgutan nga mga dapit sa gikinahanglan nga mga rekisitos ug dokumento nga gipangayo sa Dangerous Drugs Board Regulation Number 3, Series of 2017 ug PDEA Memorandum Circular Number 2020-041.
Kahinumduman nga nag ROCBDC gipangunahan ni PDEA 11 director Aillen Lovito kaabang ang pipila ka mga member-representatives gikan sa Department of Interior and Local Government nga nagsilbing Vice-Chairperson, Police Regional Office XI, Department of Health ug Local Government Units.
