DAVAO CITY – Nangita na karon og laing pamaagi ang Department of Trade and Industry (DTI) 11 aron nga matabangan ang mga apektadong mag-uuma og lubi sa Davao region kini human nga hinay lamang gihapon ang palit niini bisan nga adunay dyutay nga pagsaka sa presyo.
Kahinumduman nga sa kasamtangan, anaa sa P20 ang matag kilo ang kopra oil mill apan dili kini igo hinungdan nga sagad sa mga mag-uuma ang magbaylo na lamang og lain nga pananom aron nga makaangkon og mas dako nga income.
Tungod niini, plano karon sa DTI pinaagi ni Atty. Siegfred Ballique nga tabangan ang mga mag-uuma pinaagi sa pagpangita ug mga investors sama na lamang sa Japan diin mamahimong maka-supply ang mga nahisgutan og Virgin coconut oil ingon man Coco sugar.
Kini sumala pa ang usa sa mga pamaagi aron nga makabawi sab ang mga mag-uuma gikan sa ilang gipangtanom nga mga lubi.
