DAVAO CITY – Padayon ang pagpanghatag sa Department of Social Welfare and Development Field Office XI og tabang pinansyal sa mga pamilyang lakip sa mga impormal nga sektor nga hilabihang naapektuhan sa pandemya.
Pinaagi sa Sustainable Livelihood Program (LAG), anaa sa 2,100 ka mga benepisyaryo ang nahatagan og livelihood assistance gikan sa nagkadaiyang lugar sa probinsya sa Davao del Norte niadtong Setyembre 5 hangtud 9 ning kasamtangang tuig.
Mikabat sab sa P23 million ang nagamit nga pondo sa nasangpit nga programa. Tumong sa LAG nga matabangan ang mga napili ug kwalipikadong benepisyaryo nga mabalik ang mga panginabuhian nga naapektuhan sa COVID-19 pandemic. Kaabag sa ahensya ang mga lokal nga panggamhanan sa syudad ug probinsya sa Davao del Norte sa implementasyon sa Sustainable Livelihood Program (LAG).
