DAVAO CITY – Mukabat na sa kapin P10 million ang napang-apud apud sa kapin lima ka libo nga mga benepisyaryo ilawom sa educational assistance sa Department of Social Welfare and Development kon DSWD sa tibuok Davao Region.
Sumala sa datos sa buhatan as of September 17, 2022, 4:00 PM, nasa ₱ 10,277,000 ang kinatibuk-ang kwarta nga nahatag sa 5,434 ka mga benepisyaryo sukad napahigayon ang maong prgrama. Sa maong ihap sa mga benepisyaryo, 1,899 ang nagagikan sa Davao City; 1, 024 sa Davao Del Sur; 294 sa Davao del Norte; 304 sa Davao Occidental; 917 sa Davao Oriental; ug 993 ka benepsiyaryo sa Davao de Oro.
Nagsugod sab ang buhatan sa pag-disburse ug mga ayuda pang-edukasyon sa pipila ka mga munisipyo diri sa Davao Region sa miaging simana diin ubay-ubay na sab ang mga nahatagan sa maong ayuda.
via || Bombo LJ Florendo
